Makailang beses nang ipinagpaliban ang pag-imprenta ng mga balota ng
Comelec kahit alam nitong gahol na sa panahon. Nakapagtataka ito at may mga
usap-usapan pang maaaring desisyunang ipagpaliban din ang eleksyon ng ilang
linggo. Kung legal ba ito ay inaasahang pagtatalunang matindi. Ngunit
lumulutang na ang proposal na ‘yan.
May problema sa “source code,” kaya hindi pa ito maipagkatiwala ng
Comelec sa BSP gayong malapit na ang halalan, ilang linggo na lang mga kamasa.
May malaking problema sa mga “vote counting machines” na pa-pamali-mali ang ini-rerehistrong
bilang.
Milyon-milyong mga Pilipino na ang na-disenfranchise sa “no bio, no
boto” policy ng Comelec. Karamihan diyan ay mga kamasa natin, na nasa C-D-E
social class. Napakahaba ng pila para makarehistro lamang, hindi kaya ng
ordinaryong tao na mawala kahit ang isang araw para sa paghahanap-buhay dahil
nakasalalay doon ang kakainin sa isang maghapon.
Tandaan din na karamihan ay sa mall isinagawa ang mga pag-rehistro,
kaya ang mga nakayapak, marurumi at mga payak na mamamayan ay nag-alangang
makipila at makasama sa mga mababango at mga magaganda ang bihis na mga
kababayan.
Milyon-milyon din ang na-disenfranchise na mga senior citizen dahil
hindi nila kayang pumila ng maghapon upang makapagpa-rehistro sa Comelec para
sa “no bio, no boto” policy nito.
Kapag tinuos natin mga kamasa ang mga impormasyong ito, maliwanag na pumapabor
ito sa mga inaasahang matataas ang makukuhang boto sa halalan. Mga nasa limang
milyong Pilipino pa ang inaasahang ma-di-disenranchise dahil sa kapalpakan ng
mga makinang gagamitin ng Comelec. Nariyan na at inaamin naman ng pamunuan ng
nasabing ahensiya. Nangyayari na, ngayon pa lang. Kinokondisyon na ang
mamamayan. Tumutumbok sa dayaan ‘yan mga kamasa. Kung maalala ninyo ang
binanggit ko na din sa ating munting pitak na ito ang hi-tech gadget na kung
tawagin ay Viper. Malaki ang magiging papel niyan mga kamasa sa isang senaryo
na magkakadayaan. Tandaan na ang mga boto ay ita-transmit sa pamamagitan ng
text message at may SIM card ang mga makina ng Comelec na ‘yan.
Hindi na po ninyo kinakailangang laliman ang pag-iisip kung kanino sa mga kandidatong pagka-pangulo pumapabor ang senaryong ito.
Hindi na po ninyo kinakailangang laliman ang pag-iisip kung kanino sa mga kandidatong pagka-pangulo pumapabor ang senaryong ito.
No comments:
Post a Comment